Инцидент со физичка пресметка меѓу пет лица, од кои тројца Палестинци и двајца Израелци се случил вчера попладне на атинскиот плоштад Синтагма пред споменикот на Незнајниот војник пред грчкиот парламент, а со телесни повреди здобил 29-годишен маж од Израел.
Како што соопштија од грчката полиција инцидентот бил меѓу тројца палестински државјани на возраст од 27, 26 и 25 години и 30-годишна жена и 29-годишен маж од Израел, а сите петмина биле приведени.
Кај палестинските државјани биле пронајдени и одземени шест пластични стапови, а на два од нив имало знамиња.
Споменикот на Незнајниот војник пред грчкиот Парламент е една од главните туристички атракции во Атина.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.