Британски борбен авион Ф-35 денеска изврши принудно слетување на аеродромот во Кагошима, југозападна Јапонија, поради технички дефект.
Според аеродромските власти, инцидентот се случил во 11:30 часот, по што пистата била затворена околу 20 минути, што предизвикало мали доцнења на комерцијалните летови.
Авионот бил дел од заедничка воена вежба на британските вооружени сили со јапонските и американските воени сили, која започна на 4 август и ќе трае до следниот вторник.
Вежбата има за цел унапредување на безбедносната соработка во регионот на Индо-Пацификот.
Јапонските власти соопштија дека инцидентот нема да влијае на текот на воената вежба и дека се преземени сите потребни мерки за безбедност.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.