Американскиот претседател Доналд Трамп одби да одговори на новинарско прашање дали САД планираат напад врз Иран и неговите нуклеарни постројки.
„Можеби ќе го направам тоа, можеби не. Никој не знае што ќе направам“, рече Трамп пред новинарите пред Белата куќа.
Тој наведе отиму предложил на Иран да присуствува на разговори во Белата куќа, но не изнесе детали.
„Постои голема разлика меѓу сегашноста и пред една недела“, додаде Трамп.
Претседателот на САД го опиша Иран како тотално беспомошен, без никаква противвоздушна одбрана. Нагласи оти има порака за Техеран содржана во два збора – „Безусловно предавање“.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.