Дваесет и четиригодишниот Стојанче Стефанов од Кочани по еден месец лекување во Воената медицинска болница (ВМА) во Белград им подлегна на повредите. Стефанов е 62-ра жртва во пожарот во дискотеката „Пулс“ во Кочани. Станува збор за пациент кој од првиот ден, согласно извршената првична тријажа од медицинските тимови, е веднаш упатен на лекување во ВМА во Белград и кој беше интубиран и во критична состојба во изминатиот месец.
Во моментов низ болниците во странство се лекуваат 45 повредени во пожарот во дискотеката „Пулс“, а од нив двајца се во тешка состојба. Нивната состојба денеска е стабилна.
На 16 март загинаа 59 пациенти, а во текот на месецов битката ја загубија тројца тешко повредени пациенти, кои се лекуваа во болниците во странство.
Викторија Јованова
