Извршниот директор на Сименс, неговата сопруга и трите деца се жртвите во хеликоптерска несреќа во Њујорк откако новното летало се распадна во воздух и се урна во реката Хадсон меѓу Менхетен и брегот на Њу Џерси во последната авијациска катастрофа од висок профил во САД. Противпожарната служба на Њујорк соопшти дека примила извештај за падот во 15:17 часот.
Сите шест лица во леталото загинале, соопштија надлежните. Сведокот Брус Вол раскажа дека видел како хеликоптерот „се распаѓа“ среде воздух, а опашката и пропелерот се откинале. Пропелерот сè уште се вртел додека одвоено од хеликоптерот паѓал надолу.
Видеото објавено на социјалните мрежи покажува дека делови од хеликоптерот се расфрлани во водата, а превртеното летало е потопено.
Спасувачките чамци кружеле околу него. Небото за време на несреќата беше облачно, но видливоста над реката не беше значително нарушена. Федералната управа за авијација го идентификуваше хеликоптерот, а Националниот одбор за безбедност на транспортот започна истрага за несреќата.
BREAKING: Agustin Escobar, President and CEO of Siemens in Spain, along with his wife and their three children, were identified as the victims of the helicopter that plunged into the Hudson River in New York City on Thursday, according to the New York Post.
The New York… pic.twitter.com/cGOiJWGFAx
— RedWave Press (@RedWave_Press) April 11, 2025