Многу жители на Неапол ја минаа ноќта на улица или во своите автомобили поради земјотреси. Италијанските сеизмолози објавија дека потрес со јачина од 4,4 степени според Рихтеровата скала бил регистриран во 1:20 часот по полноќ на длабочина од три километри.
По најсилниот потрес, следувале уште два послаби. Забележани се луѓе како ги напуштаат своите домови и се собираат на улиците на Неапол. Веднаш е формиран центар за координација за спасување кој работи и на проценка на штетите. Повеќе училишта ќе бидат затворени денеска за да се провери статиката на објектите, објави „Кориере Дела Сера“.
A 4.4 magnitude earthquake destroyed homes in Naples, #Italy. #Naples #Italy #terremoto #earthquake #Sismo #deprem pic.twitter.com/PjTZvtkJGf
— Chaudhary Parvez (@ChaudharyParvez) March 13, 2025
Во делови од градот беше прекинато снабдувањето со електрична енергија. Во околниот град Поцуоли, недалеку од епицентарот на земјотресот, едно повредено лице било извлечено од делумно урната куќа.
A 4.4 magnitude earthquake destroyed homes in Naples, #Italy. #Naples #Italy #terremoto #earthquake #Sismo #deprem #CampiFlegrei #Napoli #terremoto #Napoles
#Pozzuoli pic.twitter.com/i5uXq5H0LA— Chaudhary Parvez (@ChaudharyParvez) March 13, 2025
Неапол се наоѓа на Флегријските полиња, вулкански базен поради кој подрачјето во јужна Италија е подложно на потреси.