Новиот директор на Државна лотарија, Александар Климовски пред да ја добие функцијата бил консултант на странската фирма Касинос Австрија која е партнер на Лотарија. Приходите од тие услуги ги нема во имотниот лист на Климовски во ДКСК, открива КОД во своето денешно издание.
Се поставува и прашањето за можен судир на интереси бидејќи Климовски до први август бил консултант со 5-цифрен хонорар во Касинос, а пет дена подоцна станал директор на Лотарија чиј главен странски партнер е токму австриската фирма.
Во КОД вечерва и за онлајн коцкањето кое во Македонија се приредувало на диво со години. КОД ги праша и надлежните обвинителства за истрагите за Дрин Ахмети и открива нови моменти за делата за кои е гонет внукот на лидерот на ДУИ, Али Ахмети. КОД е по вечерните вести на Телма.
