Откако обвинителката Ленче Ристовска која е втор мандат назначена за јавен обвинител за врски на Република Северна Македонија со Европравда (Eurojustice) пред повеќе месеци се пожали дека за таа функција нема ниту работна канцеларија ниту пристап до интернет, и искоментира за состојбите во Советот за јавни обвинители- доби дисциплинска постапка од Советот.
Во меѓувреме, Ристоска не беше избрана на повисока функција во системот на Обвинителството, затоа што е мајка на две мали деца, но, успеа да се избори до втор мандат за обвинител за врска со Европравда. Како поранешна обвинителка во СЈО, работата ја извршуваше во старото седиште на СЈО, но, денеска конечно доби канцеларија за посупешно извршување на важната функција во борба против криминалот и корупција.
Обвинителството објави соопштение и слика на која се гледа и клучот од канцеларијата кој на Ристовска и го врачил новиот државен јавен обвинител Љупчо Коцевски.
-Јавниот обвинител на Република Северна Македонија Коцевски денеска се сретна и со назначениот јавен обвинител за врски на Република Северна Македонија со Европравда Ленче Ристоска. Двајцата разговараа за тековните состојби и предизвици во работењето на канцеларијата за врски, со особен акцент на важноста на навремена и експедитивна меѓународна соработка во кривичните постапки. Со оглед на околноста што непосредно претпоставен обвинител на обвинителот за врски е државниот обвинител, на обвинителката и беше доделена канцеларија и во Јавното обвинителство на Република Северна Македонија, соопшти Обвинителството.
Миомир Серафиновиќ