Прво, апсолутно е недемократски на ваков начин да се решаваат различностите за една партија која се повикува на европски вредности или барем има предзнак европски во делот на својата партија или во делот на коалицијата. Историјата покажува дека и по смирување на страстите и може да има нова коалиција меѓу тие што се закрвавени и членството останува закрвавено, вели аналитичарот Висар Адеми во вечерашната дебата во „Топ тема“ на Телма ТВ.
„Нецивилизирано е во 2024 година да се решаваат вакви работи. Знам дека главен извор на приход на некои луѓе е политиканство и партијата ама ова не е добар начин. Ова ќе остане во меморијата кај луѓето дека така се решаваат или така треба да се решат проблемите што не е добра работа. Ако ги анализираме партиите, сите политички партии или нови претседатели кои што се издигнале како фракции од ПДП до сега, се издигнувале врз пепелта на уништување на постоечките претседатели. Така беше и со Невзат Халили кога го урна Тачи за може да се издигне како нов претседател. Од секогаш било „мојата банда против твојата банда“ и борба за печати“, изјави Адеми.
Таквите работи, според Адеми, секогаш завршуваат по судови.
„Ние викаме дека кармата е лоша работа. Секогаш се враќа и не е добро што на ваков начин се решаваат работите, а не институционално. Главната причина за случувањата во Алијанса на Албанците е таа 2022 година, кога решаваат да влезат во власта со СДСМ. Кога сите ние како аналитичари сметавме дека тоа не треба да се направи, бидејќи ако сакате да бидете за промени, можете да ги изгласате промените, но не треба да бидете дел од власта“, вели Адеми.