Во Центарот за култура Тетово „Иљо Антески-Смок“ синоќа по 12-ти пат се одржа фестивалот на албанска староградската песна „Теута“. Годинава се претставија државните ансамбли од Тирана и Приштина, ансамблот од Елбасан и домаќините на женскиот хор „Теута“ од Тетово.
– Првите кои се појавија пред публиката во Тетово беа домаќините од Тетово, за потоа да им се даде простор на ансамблот од Елбасан „Исуф Мизири“. Следуваше Ансамблот на песни и народни танци „Шота“ – Приштина и на крајот, солистите на Ансамблот на песни и народни танци на Република Албанија. Богатата програма на овие учеснички групи, вклучувајќи песни од сите албански региони, не само што беше срдечно прифатен од тетовската публика, која ја вреднува високо оваа музика, туку во некои случаи, пеејќи истовремено како хор, беа еднакви учесници со тие од сцената давајќи му на фестивалот магија со многу посебен карактер, информираа од Центарот за култура за фестивалот.
Директорот на Центарот за култура Арлинд Хусеини заедно со уметничкиот совет доделија благодарница на Ќефајете Беќири, една од иницијаторите и основачите на фестивалот како и женскиот хор „Теута“. Центарот за култура му оддаде почит и на уметникот Владимир Хасими, кој цел свој уметнички живот го посветил на Ансамблот на песни и народни танци на Република Албанија.