Владата е пред чекор на решение самата да го гради проектот Чебрен и Галиште. Ова денеска го кажа премиерот Христијан Мицкоски, кој смета дека оваа стратешка одлука ќе ја донесат после разговорите со раководството на ЕСМ.
Вели дека се блиску до одлуката да не се бара приватен партнер, а проектот ќе биде од стратешко значење биддејќи како што рече во регионот недостигаат два резервоари со питка вода, нешто што би се реализирало со проектот.
Исто така смета дека со него би требало да се реализира наводнувањето на Тиквешкото поле. Проектот би чинел една и пол милјарди евра со камати.
Проектот за централа на Црна река е стар три децении и ниту една влада не успеа да го реализира.
Желба за изградба има, пари нема – министерката Божиновска за проектот Чебрен и Галиште
