Шест лица се повредени во напад со нож во станицата Пен во Њујорк , соопштија властите.
Осомничениот е приведен по нападот, кој се случи околу 19 часот во еден од најпрометните транспортни центри во земјата.
Пространиот железнички комплекс под „Медисон Сквер Гарден“ ги опслужува линиите на „Амтрак“, „Лонг Ајленд Реил Роуд“, „Њу Џерси Транзит“ и метрото во Њујорк Сити и го користат стотици илјади патници секој ден.
Според градската противпожарна служба, болничарите пронашле една жртва со сериозни повреди, додека останатите се со полесни повреди.
Сите петмина биле однесени во болницата Белвју. Друго лице, чија состојба не е веднаш позната, е префрлено во друга болница.
Градоначалникот на Њујорк, Зохран Мамдани, изјави дека е информиран за нападот и го пофали обезбедувањето на „Амтрак“ за брзата интервенција.
„Моето срце е со сите повредени, нивните семејства и сите што се погодени од ова неприфатливо насилство. Им посакувам брзо закрепнување на сите жртви“, напиша Мамдани на социјалната мрежа „Икс.
