Кога ќе помислам на тебе, ќе ми дојде топло на душата, зашто ти беше таков, со големо срце и поглед на дете. Ова е дел од последниот поздрав на нашиот драмски писател Дејан Дуковски, прочитан на денешната комеморација во МНТ, по повод смртта на актерот Владимир Ендровски- Љац. Тој почина минатиот месец , на 60 годишна возраст по долго боледување. А, по него остануваат маестрално одиграните рољи во театар, на филм и на телевизија , за да сведочат за неприкосновениот талент и леснотија со која Љац ги изнесуваше пред публиката.
- Поминавме заедно околу овие даски низ многу работи. Разни времиња, среќни и несреќни, весели и тажни. И секогаш кога ќе помислам на тебе, ќе се насмеам. И ќе ми дојде топло на душата зашто ти беше таков, со големо срце и поглед на дете. И твојот дух ќе биде уште долго во згуснатиот воздух, зад завесата, прочита актерката Арна Шијак од текстот на Дејан Дуковски.
- Во Будва , следниот ден од гостувањето , на плажа немавме ни банка во џеб, а ни се пиеше кафе. Кога наидоа колегите и не прашаа што ќе пиеме- кец на десетка ! Нарачавме кафе. Некое време влеговме во вода и до солзи се смеевме на филмовите што ги замислувавме, што би било ако не ни го платат кафето, кажа актерот Нино Леви.
- Недостасуваш бе, брат! Извини , ама боли бе малку куме! Малку повеќе. Се плашам да изговорам само Владимир , за да не го збунам и Господ, за кого станува збор. Затоа ќе кажам : Владимир Ендровски- Љац. Тоа е нешто друго. Тоа значи, рече актерот Владо Јовановски.