Оние кои се социјални случаи ќе плаќаат на рати. Останатите плаќаат како и сите во државата, ќе користат поволности што важат за сите. Ова е договорот меѓу ЕВН и жителите на липковското село Слупчане, каде екипите на ЕВН веќе почнаа со работа за замена на дел од броилата.
Претходно, жителите на Слупчане неколкупати останаа без струја, а во мрак беа и други околни населени места. Мештаните не дозволуваа работниците да работат на мрежата и во еден момент и самите се справуваа со дефекти.
Од ЕВН ги обвинија дека мнозинството од нив не плаќаат струја, а жителите возвратија со листа на барања меѓу кои – отпис на долговите, верските објекти да не плаќаат струја и 50 евра да биде највисок износ што ќе се фактурира по семејство.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.