Францускиот репрезентативец Коло Муани ќе биде една од ѕвездите на претстојниот летен преоден рок.
Напаѓачот на Ајнтрахт Франкфурт се наоѓа на листата на желби на неколку клуба од Европа, но тој според последните информации посакува кариерата да ја продолжи во минхенски Баерн.
Сепак за да се реализира неговата желба потребно е двата клуба да најдат заеднички јазик околу висината на обештетувањето.
Ајнтрахт за предвремен раскин на соработката инсистира на сум од 100 милиони евра додека Баварците се подготвени да платат нешто повеќе во однос на пазарната цена која изнесува 65 милиони.
Коло Муани сезонава игра во одлична форма и на 38 настапи во сите конкуренции тој има учинок од 19 гола и 14 асистенции.
Покрај Баерн интерес за 24-годишниот фудбалер покажа Манчестер Јунајтед, а целата ситуација од втор план ја следи Реал Мадрид.
ФОТО: Игор Паневски