Елиф Елмас беше стрелец на еден од двата гола на дуелот против Малта на стартот од квалификациите за Европското првенство.
Од нашиот репрезентативец се очекува повторно да биде еден од лидерите во тимот, кој е фаворит во ова соочување со селекцијата на Фарските Острови.
“Секогаш сме максимално мотивирани кога играме за Македонија, така ќе биде и на утрешниот натпревар. Се надеваме на нов позитивен резултат, иако Фарски Острови се селекција со сериозен напредок која секако не треба да ја потцениме”, истакна Елмас.
Натпреварот против Малта веќе е минато, целта е исполнета и освоени се посакуваните три бода. Сега фокусот на тимот е претстојниот дуел и нова победа на репрезентацијата на Македонија.
“Против Малта ни беше најважно да тргнеме со три бода и тоа го остваривме. Утре нѐ чека предизвик во кој ќе го дадеме максимумот, зашто знаеме дека Фарски острови имаат добра низа на резултати. Но, ќе излеземе на терен да го спроведеме тоа што ќе се договориме и тоа што ќе го бара селекторот од нас”, заврши Елмас.
ФОТО: Игор Паневски