Со освоени 7 оскари од 11 номинации, филмот „ Сè наеднаш“, на режисерскиот двоец Даниел Кван и Даниел Шејнерт, е победник на 95 издание на американските фимски награди „ Оскар“, што се одржа ноќеска во Долби театарот во Холивуд. Покрај оскари за режија, оригинално сценарио и продукција, филмот кој зборува за емигрантка од Кина која поседува перална, а се соочува со проблеми со ќерката и со плаќање данок, беше награден и за споредна машка и женска улога , што ги понесоа Ки Хуи Куан и Џејми Ли Кертис, за монтажа и за главна женска улога.Мишел Јео е прва Азијатка која освои Оскар за главната женска улога во овој филм.Таа во поздравниот говор не го криеше воодушевувањето , охрабрувајќи ги колешките дека врвовите во кариерата немаат крај.
Ова е за сите момчиња и девојки кои гледаат вечерва, ова е светилник на надеж и можности. И дами, не дозволете никој да ви кажува дека сте го надминале својот врв, изјави јео по добивањето на наградата.
А, не помалку воодушевени на нејзиниот успех беа и блиските и обожувачите на актерката.
Мислам дека номинираните се навистина силни, но не се сомневавме. Постојано и велевме дека ќе победиш, тоа ќе ти го замислиме. Ќе застанеш на сцената со златниот човек. Таа ќе го добие. А таа рече: „Што и да се случи, ќе се случи, и сите ќе бидеме толку горди што сме овде, изјави нејзината внука вики јео.
Актерот Брендан Фрејзер доби Оскар во категоријата најдобра машка улога, за остварувањето во филмот „ Кит“, на режисерот Дарен Аронофски. Германската воена драма „На западот ништо ново“, освои четири оскари, а меѓу нив и оној за странски филм. „Пинокио“ на Гилјермо дел Торо е награден за најдобар долгометражен анимиран филм, а „Навални“ , за најдобар документарец.
Сотир Трајков