Рано утрово на Хируршките клиники започна експлантацијата на органите, откако вчера попладне семејството на пациентка во мозочна смрт даде согласнот за донирање.
– Нивната желба да подарат некому живот и здравје, денес донесе трансплантација на црн дроб, два бубрега и на коскени ткива, соопштија од Министерството за здравство.
-Благодарност до семејството од мое име и од името на сите екипи кои во изминативе 24 часа работеа и продолжуваат да работат, истакна министерот за здравство д-р Беким Сали.
Тој истовремено искажа благодарност до сите медицински екипи кои изминатите часови работеа на подготовка на донорот, на реципиентите и во операциските сали.
– Не радува тоа што се повеќе семејства се одлучуваат да ги донираат органите и да спасат некому живот, рече министерот.
Во ноември, за првпат во Македонија беше извршена трансплантација на црн дроб, а 60-годишниот пациент кој доби нов орган, беше пуштен и дома ја дочека Новата година.