Едно лице загина, а пет се повредени во тешката сообраќајна несреќа што попладнево се случи на патниот правец Охрид – Кичево, дознава Телма од извори во Министерството за внатрешни работи (МВР).
Според првичните информации, во несреќата учествувале патничко возило „киа рио“ со охридски регистарски ознаки, управувано од Р.А. (57) од Охрид, патничко возило „ауди“, со струшки регистарски ознаки, управувано од Ш.П. (22) од Струга и патничко возило „поло“ со охридски регистарски ознаки, управувано од Г.Р. (39) од Охрид.
На лице место починал Р.А., а повредени се пет лица кои се пренесени во болницата „Св. Еразмо“ и во охридската Општа болница.
Сашко Димовски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.