Најмалку 120 луѓе ги загубија животите и над 100 се повредени денеска во стампедо во Сеул за време на прослава на Ноќта на вештерките, соопшти јужнокорејската противпожарна служба.
Службата соопшти дека 142 амбулантни и противпожарни возила биле распоредени за да им помогнат на луѓето на местото на настанот.
Јужнокорејскиот претседател Јун Сук-Јол ги повика болниците да бидат подготвени да примат пациенти.
Властите стравуваат дека бројот на жртви дополнително ќе расте.
Трагичниот настан се случил во населбата Итајвон, популарен дел од градот за ноќен живот. До несреќата дошло откако повеќе луѓе паднале во тесна уличка, при што многумина биле згмечени.
Според непотврдени информации имало најмалку 100.000 посетители, кои дошле да ја прослават Ноќта на вештерките.
