ВМРО-ДПМНЕ останува на ставот дека уставни измени и менување на Преамбулата со внесување на Бугарите нема да има сè додека од Европската Унија (ЕУ) нема цврста гаранција дека тоа ќе биде последно барање и нема да има кочење или блокада на пристапниот процес и преговорите. Пратениците од оваа партија, без кои го нема потребното двотретинско мнозинство, нема да гласаат за измени под околностите во кои се наоѓа државата сега, а кои претседателот Мицкоски ги окарактеризира како диктат и ултиматум. Според него, потезите на официјална Софија укажуваат на тоа како ќе тече преговарачкиот процес, бидејќи во ниту еден момнт досега не се разговарало за развој туку за обиди за негација и асимилација.
Понудата на Алијанса, пратеници во замена за изедначување на македонскиот и албанскиот јазик, ја оцени како неевропска и неприпинциелна.
Мицкоски, односно ВМРО-ДПМНЕ, се подготвени да седнат и да разговараат, но не само за јазиците, туку и за нормите како Бадинтер и Балансер, за кои смета дека се надминати, непотребни, фаворизираат квоти пред квалитет и затоа мора да се укинат.
Градоначалникот на Гостивар, Арбен Таравари, кој во моментот ја извршува и функцијата лидер на партијата Алијанса за Албанците, најави дека партијата идната недела пред дипломатитте и домашната јавноста ќе ги презентира барањата и предлозите меѓу кои е изедначување на јазиците, како услов да се даде поддршка за уставните измени, односно внесување на Бугарите во Преамбулата. Од партијата ги оценија како шпекулации инофрмациите дека имаат понуда да влезат во владеачката коалиција.
Огнен Чанчаревиќ