Крајно десничарската политичарка Џорџа Мелони, членка на партијата „Браќа на Италија“, претпладнево положи заклетва пред претседателот Серџо Матарела и стана првата жена премиерка во историјата на Италија.
По минатомесечните избори, со државата ќе управува коалиција која ги вклучува крајно десната партија Лига и партијата на десниот центар „Напред Италија“.
Вршителот на должноста премиер, Марио Драги би требало да ја предаде власта на Мелони во палатата Чиги, службена резиденција на италијанскиот премиер, утре за кога се очекува и првиот состанокт на владата и советот на министри.
За потврда на владата на 45-годишната Мелони е потребно гласање во двата дома на парламентот, што според добро упатените, би можело да се случи во текот на наредната недела.
Десничарската коалиција освои најголем број на гласови на изборите во септември, обезбедувајќи апсолутно мнозинство во парламентот, поради што не се очекуваат пречки при гласањето за доверба на владата на Мелони.