Ова е емотивната реакција на претседателот на Независниот синдикат на возачи на ЈСП, откако советниците на Град Скопје, на вонредната седница повеќе часови се препукуваа кој е поголем криминалец, отколку да одлучат за пренамена на средства од буџетот на Град Скопје за функционирање на ЈСП и за плати на вработените во претпријатието што не им се иплатени за септември.
Автобусите на ЈСП од утре наутро нема да возат, револтиран и со солзи во очите кажа претседателот на ССМ-ЈСП.
Седницата на Град Скопје се одржа по предлог – иницијативата на советните од ВМРО-ДПМНЕ за пренамена на сретства од буџетот на Град Скопје за функционирање на ЈСП.
Но, и да биде изгласана иницијативата до вечер, потребна е предлог одлука за пренамена на средствата, која повторно треба да се гласа на Совет на Град Скопје.
Против оваа законска формалност, реагираше синдикалниот лидер на ССМ.
Марија Андоновска од советничката група на ВМРО- ДПМНЕ каже дека се подготвени да се откажат од понатамошните дискусии, да се даде пауза и да се побара од градоначалничката Арсовска да им ја достави одлуката за пренамена на средства од буџетот за да ја изгласаат, за вечерва да се префрлат пари на ЈСП.
Но, и беше возвратено дека се работи за популизам, зашто ако се сакало тоа да се постигне ќе се разговарало од која ставка да се повлечат пари. Андоновска отфрли можност за откажување од паушалите .
Од утрово протести одржаа и трите репрезентативни синдикатите во ЈСП, а се протестираше и пред Владата, која според секретарот на Град Скопје им должи околу 2 милиони евра.
Според Глигоров, автобускиот превоз ќе функцинира и покрај притисоците.
Сотир Трајков