До сега доставена само една понуда до ЕСМ за набавка на гас.
Оваа недела е клучна за тоа дали по која цена и од каде би се обезбедил овој енергенс за испорака на топлинска енергија од први ноември.
Првиот човек на електрани, Ковачевски се надева дека ќе се најдат доволни количини за да може освен сите топлани и ТЕТО конечно да почне со работа. Во моментов, гас за испорака на топлинска енергија има до крајот на месецов.
Она што со сигурност се знае е дека нема понуда од компаниите кои како предлог ги препорача лидерот на опозицијата Мицкоски.
ПЕГЕО е името на швајцарската фирма со која дел од владиниот тим беше на преговори во Србија, а која денеска ја соопшти Владата.
Но, по средбата во Белград, до сега од оваа компанија нема понуда ниту за цена, ниту дали се во можност да ги испорачаат потребните 230 милиони тони кубни метри гас.
Се уште нема понуда ниту од препорачаните компании за испорака на мазут. Во моментов одредени колични од овој енергенс се добиваат од Албанија, но и од Грција.
Ковачевски уверува и дека на депонијата во РЕК Битола има јаглен за 20 до 30 дена , ако евентуално дојде до некокви проблеми или било каков застој во ископот.
Ирена Чачкова