Европа ги трпи последиците од процесот во кој ги одвои изворите на својот просперитет од изворите на безбедност. Просперитетот го темелеше на евтина енергија од Русија и пристап до големиот кинески пазар, а за безбедноста се потпираше на САД, посочува високиот претставник на ЕУ за надворешна и безбедносна политика Жозеп Борел… Тој вели дека бил предупреден од Блинкен за нападот на Русија но вели дека Европа не ги сфатила сериозно ваквите најави од сојузниците со што покажала слабост во прогнозите.
– Се сеќавам кога државниот секретар на САД, Ентони Блинкен, ми се јави и ми рече: тоа ќе се случи овој викенд, и, два дена подоцна, во пет часот наутро, почнаа да го бомбардираат Киев. Не верувавме дека тоа ќе се случи и не предвидувавме дека Украина е подготвена да даде таков жесток и успешен отпор како што прави. Се разбира, благодарение на нашата воена поддршка, тоа ќе беше невозможно, но и тие придонесоа многу, Но, не предвидовме исто така дека Путин е подготвен за ескалација, кон ниво на масовна мобилизација и отворена нуклеарна закана, додава високиот претставник на ЕУ за надворешна и безбедносна политика.
Борел посочува дека како последица на војната и во Украина Европа сега се соочува со една од најголемите енергетски кризи. Меѓувреме состојбата со цените на енергенсите дополнително се усложни со одлуката на ОПЕК + да го намали производството чекор што ги стимулираше цените на нафтата да пораснат и да се доближат повторно до границата од 100 долари за Барел. Путин чија земја е дел од картелот вели дека ваквиот чекор е легитимен во насока на нивно стабилизирање додека Западот го оцени како потег кој ќе и помогне на Русија да ја финансира војната во Украина.
– Јас го следам процесот, кога Домот и Сенатот ќе се состанат, тие ќе мора – ќе има некои последици за она што го направија со Русија, вели американскиот претседател Џо Бајден.
Според американскиот претседател Џо Бајден Путин се однесува брутално и направил голем број погрешни пресметки во војната во Украина… Америка најави дека во наредниот период ќе ја зголеми воената поддршка за Украина со цел земјата да ја одбрани својата територија од руската агресија.
– Мислам дека мислеше дека ќе биде пречекан со раширени раце, дека ова е домот на Мајка Русија во Киев и дека ќе биде пречекан, и мислам дека едноставно тотално погрешно пресметал, додава Бајден.
Украина доби ветување за голема помош и од земјите од групата седум најразвиени од каде посочија дека ќе бараат одговорност од Путин за последните ракетни напади врз цивилна инфраструктура.
Александар Петрески