Земјоделците од Овчеполскиот регион половина од јачменот ќе го складираат во амбарите. Причината е што е во екот на жетвата откупната цена му е 15,5 денари за килограм. Цената е повисока од лани, но скапите репроматеријали и приносите од два до три тони по хектар не им ги покриваат трошоците. Очечуваат есенската сеидба да биде уште поскапа.
Земјоделците пресметале дека трошоците за жетва ќе ги чини од 8.000 до 10.000 денари. Во моментов ја чекаат производствената цена на лебното зрно, која според нив треба да е 22 денари. Климатските промени и лошиот семенски материјал и годинава ќе ги намали приносите на пченица во Овче Поле.
Приносите од јачмен засеани на 48.000 хектари ќе ги задоволи потребите на македонските сточари, но пченицата која е на околу 78.000 хектари нема да ги задоволи потребите на млиновите. Според пресметките нашите земјоделци произведуваат 253 илијади, а потребите на мелничарите се од 300 до 330 илијади тони лебно зрно. Јачменот во моментов се жнее, а пченицата ќе стартува во јули.
Викторија Димитрова Јованова