Најмалку пет лица загинаа вчера во Доњецк при артилериско гранатирање на украинските сили, а бројот на ранети е 22, соопштија претставници на проруските сепаратисти и руските агенции, цитирани од Ројтерс.
Руските новински агенции јавија дека гранати паднале на пазарот, како и на породилиште во Доњецк, предизвикувајќи пожар и принудувајќи го персоналот да ги евакуира пациентите во подрумот на зградата.
„Благодарение на брзата реакција на персоналот, нема повредени“ меѓу пациентите, пренесе РИА Новости.
Ројтерс не можеше да ја потврди оваа информација од независни извори.
Лидерот на самопрогласената Народна Република Доњецк, Денис Пушилин, вети дека ќе мобилизира повеќе руски сили за да и се спротивстават на украинската армија.
Според руските агенции, меѓу загинатите има и едно дете.
Портпаролот на генералниот секретар на ОН, Антонио Гутереш, Стефан Дујарик, изјави дека властите дознале за нападот на родилиштето.
„Ова е крајно загрижувачки“, рече Дужарик, додавајќи: „Секој напад врз цивилната инфраструктура, особено врз здравствените установи, е јасно кршење на меѓународното право“.