Синдикалци дојдоа пред седиштето на СОНК, по одлуката штрајкот во училиштата да се стави во мирување.
Бараат од претседателот на синдикатот, Јаким Неделков да им објасни зошто ја сменил одлуката, иако мнозинството од синдикалците биле за тоа штрајкот да продолжи.
Одлуката на синдикатот за образование да го стави штрајкот во училиштата во мирување ги раскара синдикалците. откако беше објавено дека ќе се бара мирно решавање на спорот, незадоволни синдикалци протестираа пред седиштето на СОНК.
Тврдат дека за одлуката на Неделков дознале од медиумите и дека главното барање им е потпишување нов колективен договор, а не околу процентите колку ќе им се зголемат платите.