Лидерот на ГЕРБ, и поранешен премиер на Бугарија Бојко Борисов синоќа беше приведен. Речиси три часа траеше претресот во домот на Бојко Борисов. Приведувањето е извршено во рамките на специјалната операција за злоупотреба на европските фондови. Меѓу приведените е и поранешниот бугарски министер за финансии Владислав Горанов., како и поранешната претседателка на собраниската Комисија за буџет Менда Стојанова и поранешната шефица на владината служба за информирање Севдалина Арнаудова.
Борисов е уапсен само 6 часа подоцна откако во Бугарија претстојуваше главната европска обвинителка Лаура Ковеши.
Прв кој давал исказ во полициската станица бил актуелниот премиер Кирил Петков, изјави адвокатот на Борисов. Тој вели дека не знае за што точно е обвинет Борисов, освен што му е одреден 24 – часовен притвор. Петков подоцна на својот ФБ профил напиша дека никој не е над законот.
Сите пратеници на ГЕРБ, поранешни министри и поддржувачи се собраа пред куќата на Борисов и се упатија кон местото каде што беше испорачан поранешниот премиер на Бугарија. А за денеска исто така се закажани протести во знак на поддршка на Борисов.