Би-би-си пишува дека видеото на кое се гледа бомбардирањето на облакодерите во Мариупол е автентично и дека бомбардирањето се случило вчера.
Би-би-си додава дека Русите цел ден интензивно го напаѓаат Мариупол.
На снимката се гледаат два облакодери погодени од ракета.
Heavy shelling by Russian forces has restarted this morning in #Mariupol#Ukraine.
— Daniele Palumbo (@Danict89) March 13, 2022
Доколку нема евакуација, Мариупол е во опасност од катастрофа
Украинските власти проценуваат дека од 2 март во руските напади загинале 2.187 цивили.
Црвениот крст неодамна предупреди на катастрофа што им се заканува на жителите на градот доколку не се договори примирје во кое тие би можеле безбедно да го напуштат градот. Тие објавија дека телата лежат на патиштата и под урнатините, а жителите се речиси без храна, вода и лекови бидејќи хуманитарниот конвој заглавил на околу 70 километри.