Рускиот милијардер Андреј Мелниченко повика на прекин на огнот во Украина, нарекувајќи ја војната трагедија која мора да престане. Тој предупреди на криза со храна поради поскапувањето на ѓубривата.
„Настаните во Украина се навистина трагични. Итно ни треба мир“, рече Мелниченко, кој е Русин, но е роден во Белорусија, а неговата мајка е Украинка.
Мелниченко ја испрати пораката до Ројтерс преку неговиот портпарол.
„Како Русин по националност, Белорусец по потекло и Украинец по крв, чувствувам голема болка и неверување кога сум сведок како братските народи се борат и умираат“, се вели во неговата изјава.
Италијанската полиција ја заплени неговата суперјахта вредна 530 милиони евра
Италијанската полиција ја заплени суперјахтата на Мелниченко неколку дена откако беше вклучена во листата на санкции на ЕУ воведени поради руската инвазија на Украина.