Руските сили уништиле детска болница во опколениот украински град Мариупол во југ-источна Украина, обвинија попладнево властите во Киев.
Претседателот на државата, Володимир Зеленски на твитер објави видео снимка од страотното уништување на повеќе објекти со пораката дека станува збро за директен напад на детската болница, во чиј состав има и дел за новороденчиња.
Mariupol. Direct strike of Russian troops at the maternity hospital. People, children are under the wreckage. Atrocity! How much longer will the world be an accomplice ignoring terror? Close the sky right now! Stop the killings! You have power but you seem to be losing humanity. pic.twitter.com/FoaNdbKH5k
— Володимир Зеленський (@ZelenskyyUa) March 9, 2022
Според Зеленски, под урнатините се голем број убиени луѓе и деца.
„Уште колку долго светот ќе биде сојузник кој го игнорира теророт? Затворете го небото веднаш! Запрете со убивањата! Ја имате моќта, но се чини дека ја губите хуманоста.“ – напиша Зеленски на Твитер.
Во информациите на градската власта на Мариупол, руските окупациони сили со повеќе бомби ја нападнале детската болница, а се уште нема прецизни информации за тоа колку многу жртви има во разорните експлозии.
„Одделот за новороденки во центарот на градот, детскиот оддел и одделот за терапија во болницата – сите се уништени во рускиот воздушен напад на Мариупол“ – напиша во својата објава, шефот на регионалната воена администрација, Павло Кириленко.
Mariupol. Russian artillery ruined maternity hospital and children hospital. A lot of killed and wounded women. No information about children and newborn yet. Hey, @UN how are you doing? Please retweet pic.twitter.com/QJSfUMMngW
— Dmytro Gurin, Ukrainian MP (@DmytroGurinMP) March 9, 2022
Кириленко тврди дека поголем број повредени во нападот биле префрлени во најблиската болница.
Снимка од уништувањето објави и украинскиот пратеник Дмитро Гурин.
Според него, повеќе жртви досега биле извадени од под урнатините.