Британски Телеграф објави расправија во која мајки на војници од Сибир гневно се расправаат со гувернерот на областа Кузбас Сергеј Цивилев затоа што нивните синови биле испратени на фронт во Украина без да бидат соодветно подготвени.
На прашање од една мајка, „Каде е Вашиот син“, гувернерот ладнокрвно одговара дека студира на Универзитет и продолжува да им објаснува на мајките дека станува збор за специјална воена операција (еуфемизам кој го користи руската власт за воената инвазија во Украина) и дека не смее да се кажуваат многу податоци за неа.
Во разговорот Цивилев тврди дека ниту војниците не ги знаат своите цели. Покрај сибирскиот гувернер, во училишна спортска сала на состанокот седат и двајца припадници на руската армија, но никој од нив не зборува на видеото кое го објави Телеграф.
Гувернерот Цивилев е убеден дека многу скоро ќе се заврши со операцијата, на што една од мајките му дофрла, „Да, кога ќе ги убијат сите“.
🔴Angry Russian mothers have accused Vladimir Putin of deploying their sons as "cannon fodder" in his invasion of Ukraine
Read more here👇https://t.co/G1kd8kcedA pic.twitter.com/Kd4fB6tG1v
— The Telegraph (@Telegraph) March 7, 2022