Рускиот министер за надворешни работи Сергеј Лавров изјави денеска дека верува оти некои странски лидери се подготвуваат за војна против Русија и дека Москва ќе ја продолжи својата воена операција во Украина „до крај“.
Лавров, исто така, рече дека Русија не размислува за нуклеарна војна.
Не нудејќи докази за да ги поткрепи своите забелешки во интервју за државната телевизија, една недела откако Русите ја нападнаа Украина, Лавров го обвини и украинскиот претседател Володимир Зеленски, етнички Евреин, дека претседава со „општество во кое нацизмот цвета“.
„НАТО сака да ја задржи надмоќта“
Тој рече дека не се сомнева дека ќе се најде решение за кризата во Украина, а наскоро ќе започне нова рунда разговори меѓу украинските и руските претставници.
Лавров рече дека рускиот дијалог со Западот мора да се заснова на взаемно почитување, го обвини НАТО дека се обидува да ја задржи надмоќта и рече дека иако Русија има многу добра волја, не може да дозволи некој да ги поткопа нејзините интереси.
„Москва нема да дозволи Украина да ја задржи инфраструктурата што и се заканува на Русија“, рече тој.
Москва, исто така, не може да ја толерира воената закана за Украина, рече тој, додавајќи дека е убеден дека Русија е во право за Украина.
„Мислите за нуклеарна војна постојано се вртат во главите на западните политичари.“
„Мислите за нуклеарна војна постојано се вртат во главите на западните политичари, но не и во главите на Русите“, рече тој.
„Ве уверувам дека нема да дозволиме никаква провокација да не исфрли од рамнотежа.“ – истакна Лавров.
„Русија не се чувствуваше политички изолирана, а прашањето како живее Украина треба да го дефинира нејзиниот народ“, рече тој.
Украинските власти ги обвинија руските сили за удари на цивилни области, но Лавров рече дека руските трупи имаат строга наредба да користат високопрецизно оружје за уништување на воената инфраструктура.
Без да понуди никакви докази, Лавров рече дека Русија има информации дека САД се загрижени поради можноста да ја изгубат контролата врз, како што опиша, хемиските и биолошките лаборатории во Украина и ја обвини Британија дека таму гради воени бази.