Украинскиот претседател Володимир Зеленски во живо се обрати пред Парламентот на ЕУ, кој одржува вонредна седница за ситуацијата во Украина.
Во емотивното обраќање тој рече дека најголемиот плоштад во Европа во Харков, наречен Плоштад Слобода, вчера бил погоден од две руски ракети и дека загинале неколку луѓе.
„Секој главен плоштад во нашата земја ќе се вика Плоштад Слобода. Тоа нема да не скрши“, рече тој.
„Докажете дека сте со нас, дека нема да не оставите, докажете дека сте Европејци. И тогаш животот ќе ја победи смртта, а светлината ќе ја победи темнината. Слава на Украина“, рече тој.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.