Комисијата за заразни болести на денешната прес-конференција инфомирашње дека предложи укинување на две мерки до министерот за здравство кои треба да се проследат до Владата.
Едната мерка е да се укине задолжително поседување на потврда за вакцинација или негативен ПЦР тест при излез од државата, а другата е да се укине ослободувањето од работа за бремените жени.
„Препораката е бремените жени да се вакцинираат и така да го заштитат своето здравје. До сега мерката беше да се ослободат од работа, а препораките од светот е да се вакцинираат. Тоа е за унапредување на здравјето на бремените жени“, рече д-р Злате Мехмедовиќ, портпарол на Комисијата.
Минатата недела 29,2% помалку заболени и починати од Ковид-19
На прес конференцијата, Мехмедовиќ посочи дека граѓаните кои ја напуштаат Македонија ќе треба да имаат негативен ПЦР или потврда за вакцинација, само доколку земјата во која ќе влегуваат тоа го бара.