Кочанско поле и вечерва е во пламен. Пожарникарите попладнево гаснеле стрништа, а огнот се доближил и на неколку метри од оранжериите во Подлог и на приватна фирма во село Прибачево.
Командирот, Благој Паунов вели дека веќе не го бројот на интервенции туку само опожарените хектари, за два дена изгореле над 30 хектари.
Досега поради брзите интервенции немаат посериозна опасност за објекти. Од голема помош им се доброволните пожарникари.
Апелите да не се палат стрништата по жетвата на оризот никој не ги слуша, еко активистите велат решенија има, но недостига институционална волја да се спроведат.
Пред четири дена во опасност беше и пречистителната станица за отпадни води кај Мојанци, која произведува метан.
Викторија Димитрова Јованова
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.