Епидемиолошката состојба според индикаторите како број на случаи и процент на позитивни во тестирани се забележува намалување и подобрување на епидемиолошката состојба.
-Тоа не ни дава за право да кажеме дека е добра епидемиолошката состојба, а за тоа особено не потсетува возрасна група од 6 до 14 години каде што забележуваме зголемување на бројот на случаи. Тоа се школските деца, кои најголем дел се на настава со физичко присуство. Во моментот нема простор за загриженост, се следи состојбата и ние како комисија апелираме, целосно, да се следат, целосно, актуелните протоколи за одржување настава со физичко присуство. Исто така апелираме до учениците и до родителите да бидат поотворени на тестирање, рече др. Александар Петличковски, претседател на Комисијата за заразни болести во МЗ.
Последната недела биле регистрирани 320 заболени деца на визраст меѓу 6 и 14 години, а претходната недела имало 200 заболени, објасни Петличковски. Тоа претставува зголемување од околу 60 %.
Донесена е одлука за почнување на скрининг во училишната популација, ќе трае една недела, а ќе бидат опфатени 2.000 ученици.
