Украинската криза секој ден е се поголема. Поради оваа причина, Канада одлучи да го повлече својот незадолжителен персонал од Амбасадата во Киев.
Во изјавата дадена од канадското одделение за глобални прашања, беше забележано дека семејствата на персоналот на канадската амбасада во Украина биле евакуирани претходно, а преземени се активности за повлекување на преостанатиот персонал.
Во соопштението се наведува дека приоритет на Канада е безбедноста на нејзините граѓани. Оттаму велат дека Амбасадата ќе остане отворена, а останатите службеници ќе даваат конзуларни услуги.
Владата на Канада им препорача на сите Канаѓани повторно да размислат дали треба да останат во Украина.
„Поради тековното засилување на руската војска и дестабилизирачките активности во и околу Украина, донесовме одлука привремено да ги повлечеме членовите на семејствата на персоналот на канадската амбасада. Официјални лица во Украинската амбасада во Канада и во Киев продолжуваат внимателно да ја следат ситуацијата.“ – се вели во соопштението на Канадското Министерство за глобални прашања.