Полицајка вработена во СВР Битола, надвор од работно време нападнала обвинителка во обид да и земе записник од сведочење. Инцидентот се случил вчера попладне каде полицајката била викната како сведок на рочиште.
По завршувањето на рочиштето, полицајката го побарала записникот од сведочењето, но судот и одговорил дека не може да добие бидејќи како сведок не и следува според Закон за кривична постапка.
Таа ја почекала обвинителката која проверувала во предметот и истото и го кажала за копија од записникот. Тогаш полициската службеничка почнала да вика и да и го влече предметот од раката на обвинителката. Предметот се скинал, а полицајката ја повредила обвинителката односно ја изгребала по раката во која и бил предметот.
Според информации на Телма, полицајката имала неколку покани за сведочење пред битолскиот суд во повеќе постапки и кога добила покана за вчера не знаела за точно кој предмет се работи. Таа е од Демир Хисар, а била вработена во СВР Битола.
Во соопштението МВР најави соодветна пријава за својата вработена:
На 13.01.2022 во СВР – Битола Ж.К.Б., вработена како Јавен обвинител во Основното јавно обвинителство – Битола пријавила дека околу 14.00 часот, додека била на работното место, по претходно недоразбирање со С.К. околу записник за дадено сведоштво, С.К. почнала агресивно да се однесува и во обид да го одземе предметот, го искинала и ја повредила Ж.К.Б.. С.К. од страна на полициски службеници од Основен суд е отстранета од просториите на обвинителството. Се работи на расчистување на случајот по што ќе биде поднесен соодветен поднесок.по прстот ко