Потребен е дијалог и отворена дебата за измени на Изборниот законик а не давање услови.
Министерот за правда Бојан Маричиќ вели дека Владата е подготвена за разговори но последниот збор го имаат големите политчки партии без чија согласност не може да се менуваат изборните правила.
Демократскиот сојуз, ДОМ, ЛДП, Вмро народна и Демократската партија на турците бараат веднаш да се закаже собраниска седница на која ќе се расправа за измените на Изборниот законик со кој е предвидено Македонија да биде една изборна единица со пропорционален модел без изборен праг.
Доколку до 15 април не се донесат измените тие најавија дека ќе го напуштат владејачкото мнозинство и ќе предизвикаат предвремени парламентарни избори.
Партиите не сакаат повеќе да бидат приврзок на големите , да зависат и коалицираат постојано со нив.
Бараат да се демонтира монополот на четирите партии кои 30 години владеат во државата.
Иако предлог измените на Изборниот Законик се поднесени пред речиси една година , во овој период големите партии преку работните групи не успеаа да ги усогласат ставовите за изборниот модел .
Јулијана Пешевска