Договорена средбата на Пендаровски со претставници на ОМО Илинден Пирин од Бугарија, но без датум

Датумот на средбата меѓу претседателот Стево Пендаровски и забранетата партија ОМО Илинден Пирин на Македонците од Бугарија не е утврден, а причина за тоа е состојбата со пандемијата со коронавирусот.

Претходно од кабинетот на претседателот Пендаровски потврдија дека ќе прими нејзини претставници на средба, но за датумот и терминот се уште не се договорени.

ОМО Илинден Пирин е само една од организациите и здруженијата на македонското малцинство во Бугарија, но е најбројна, најактивна во поднесување тужби пред Европскиот суд за човекови слободи и права против неа и редовен победник во споровите.