Трофејот на денешниот ден за борба против корупцијата го однесоа в.д. директорите кои полека станаа нормален вид во администрацијата кој што се пополнува по политички договори, по партиска линија или по непотизам наместо по знаење и способност. Иако антикорупциска комисија постојано предупредува дека фотељите се пополнуваат со погрешни луѓе, никој не ја слуша, а младите стручњаци си заминуваат.
Во обраќањето беа спомнати и други политички поставени пречки, пример е кога Собранието ја усвоило стратегијата за борба против корупција, па после два месеци самото ја прекршило.
Странските претставници даваа и ќе даваат поддршка, додека домашните политичари велат дека постојано се преземаат мерки за искоренување на корупцијата со разни програми и нови закони. .
Алармот постојано го држат вклучен граѓаните, но иако упорно свети црвено-корупцијата им е постојано пред очите, видлива и неказнета.
Миомир Серафиновиќ