Нашиот гитарист,, композитор и пејач, од светски глас, Влатко Стефановски, ја доби најголемата дискографска награда на Хрватска, „Multiplatinum award“. Наградата ја доби за исклучителни дискографски постигнувања во музиката. На Стефановски признанието му беше врачено на сцената на познатата загребска концертна сала „Ватрослав Лисински“, за време на неговиот концерт. Наградата му ја врачи директорот на „Кроација рекордс“, Желимир Бабогредац.
На концертот, Стефановски го промовираше најновиот албум – „Тафталиџе шафл“. Тој настапи со неговото трио, во кое се неговиот син Јан, на тапани и Иван Кукуќ , на бас-гитара. На клавијатури ги придружуваше Дамир Имери. Гостин на концертот беше актерот Раде Шербеџија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.