Ахмед Насер Ал Раиси од Обединетите Арапски Емирати (ОАЕ) е избран за претседател на Интерпол, објави меѓународната полициска организација на Твитер.
На третиот ден од 89. Генерално собрание на Интерпол во Истанбул се одржа гласање за избор на нов претседател и членови на извршниот комитет на Интерпол.
Според резултатите од изборите, Ал Раиси ќе ја извршува функцијата претседател на Интерпол во следниот четиригодишен мандат, соопшти организацијата.
Извршниот комитет на Интерпол го надгледува спроведувањето на одлуките на Генералното собрание.
Извршниот комитет од 13 члена, вклучувајќи претседател, потпретседатели и делегати, ги претставува четирите региони на Интерпол.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.