Апелацискиот суд во Скопје денеска го укинал куќниот притвор за Миле Јанакиески, обвинет во неколку предмети на поранешното Специјално јавно обвинителство. Мерката куќен притвор му е заменета со мерка претпазливост. Информацијата ја соопшти Кривичниот суд.
Ова значи дека Јанакиески од денеска се брани од слобода во судските процеси во кои е обвинет. Првпат му беше одреден притвор на 14 ноември 2018 година.
Миле Јанакиески е првостепено осуден во предметите „27 април“ (на 6 години и 3 месеци затвор) и „Насилство во Центар“ (условна казна).
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.