Ковид19 Свет Топ вести

Словенија пред ковид-сценариото од Бергамо – секој втор тестиран во Загреб позитивен на Ковид-19

Словенечкиот министер за здравство предупреди денеска дека земјата се соочува со кошмарно сценарио доколку не успееа да ја стави под контрола пандемијата Ковид-19. Болничките капацитети се преполни, изјави Јанез Поклукар, откако Словенија во последните 24 часа регистрираше над 3 000 новозаразени, најмногу од Јануари.

“Додека гледавме со страв во соседна Италија на почетокот на епидемијата, сега сме во пресвртен миг заради ниската стапка на вакцинација и лесно би можеле да го доживееме сценариото од Бергамо. Да, добро ме слушнавте. Толку е сериозна ситуацијата и тоа би бил крајот на нашиот здравствен систем, како што се случи во Бергамо” – вели Јанез Поклукар.

Стапката на вакцинација во Словенија изнесува околу 53%, а ниската стапка на имунизација е главната причина за подемот на пандемијата во речиси сите земји на Балканот, кои се соочуваат со пораст на бројот на заразени и смртни случаи.

Додека стапката на вакцинација во земјите од Европската Унија е над 70 проценти, во централна и источна Европа таа е најчесто и под 50 %. Во Хрватска денеска беа потврдени околу 4 500 нови случаи, а во Загреб секој втор тестиран бил позитивен на корона вирусот.

Во Србија, здраствените работници предупредуваат дека меѓу болните кои завршуваат на респиратори има се повеќе деца и бебиња, додека речиси еднонеделниот пик на пандемијата не покажува знаци на намалување.

Додека владата дозволува диско журки, свадби, крштевки и родендени на затворено, бројот на новозаразени со корона расте

Премиерката Брнабиќ засега не најавува нови мерки иако тоа упорно го бараат епидемиолозите.

“Ајде да ја имплементираме целосно оваа мерка која ја имаме. Значи, сето тоа да заживее. Сите да знаат како да го контролираат, сите да знаат како да ги почитуваат постоечките мерки. При тоа, ние одиме со строги, строги инспекции и за останатите мерки, како што се маските во затворено и маските на отворено, таму каде што е невозможно да се одржува растојание и конечно – вакцинацијата” – порача Брнабиќ.

Во земјата со околу 7 милиони жители, досега се регистрирани над 1,1 милион позитивни на корона вирусот од почетокот на пандемијата, додека над 10 000 луѓе го загубиле животот.

Никола Илиевски

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

Јуриќ: Како да нема човек што е во близина, а да не е сомнителен во случајот со Данка

Дејан Дејан

Четврти ден од потрагата по двегодишната Данка Илиќ

Дејан Дејан

25 години затвор за „Кралто на крипто-валутите“ поради финансиска измама

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе