Вести Македонија Најважни

ДУП-от спроти Холидеј Ин и членовите на ДИК кои набавувале гласачки материјал, се случаи за кои антикорупциската комисија со месеци чека одговори од институциите

За клучни предмети антикорупционерите чекаат одговор од институциите и по три години. Прифатени се само 30 отсто од нивните препораки, барања и иницијативи, а се одбиени важни препораки и мислења за кои сметаат дека би биле одлучувачки за некои состојби, изјави денеска Билјана Ивановска, претседател на ДКСК на денешната прес конференција.

Таа оцени дека комисијата дома е дискредитирана и обвинувана дека ги надминува своите надлежности, иако Европската комисија и во последниот извештај го забележува напредокот во делот на борбата со корупцијата и судирот на интереси.

Од комисијата бараат институциите побрзо да ги решаваат на иницијативите, барањата и препораките кои ги испраќаат до нив. Претседателката на комисијата Билјана Ивановска на денешната прес конференција на која зборуваше за оценките на Европската комисија за ДКСК , истакна дека многу нивни предмети се заглавени во институцитте и дека со месеци чекаат одговори.

Обвинителството се уште не и одговорило на Антикорупциската комисија за иницијативите за кривична одговорност за лицата кои учествувале во донесувањето на Деталниот урбанистички план Ц08 за Холидеј ин, и за лицата од ДИК кои учествуале во тендерот за печатени материјали за гласање.

Нов повик за набавка на јаглен за спас од енергетската криза

Од комисијата чекаат одговор и за препораките за разрешување на одговорни лица, чекаат и промена на законите во кои бараат да се ограничат  дискреционите права на одговорните лица и да се обезбедат можности за фер вработување. Игнорирани се и за препораките за промена на начинот на избор на директори и членови на управни одбори, за мислењето за законот за дивоградбите, како и за барањето да се донесе законот за потекло на имот. Бараат институциите да бидат поефикасни барем за предмети кои се од особен јавен интерес. Тие кои се за лични интереси, велат, се посебна приказна.

Непочитувањето на нивните препораки, антикорупционерите го сметаат за  дискредитација на нивната работа од институциите, кои создаваат и општа клима на напади кон нив во општеството. Бараат побрзо да се решаваат иницијативите, барањата и препораките кои ги испраќаат до нив и да се зголеми ефикансоста за целосно затварање на предметите.

Во Извештајот на Европската комисија Антикорупциската комисија  е пофалена за превенцијата на корупција и за отворање на предмети за службеници од високо ниво. И таму е забележано дека треба да се зајакнат заложбите и на останатите институции.

Далиборка Демјанска Цветановска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани соджини

Откажани летовите од Виена до Скопје и обратно поради штрајк на вработените во „Аустријан ерлајнс“

Дејан Дејан

Дали воведувањето на глобалниот данок од 15 отсто ќе ги испразни ТИРЗ зоните во земјава?

Дејан Дејан

Во Агенцијата за вработување чекаат работа над 600 магистри и дваесет доктори на науки

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе