Двајца затвореници од Идризово кои биле на викенд отсуство и уште еден кумановец учествувале во грозоморното раскопување на гробот на 17-годишна девојка загината во сообраќајна несреќа лани.
Полицијата соопшти дека на сите тројца ќе им поднесе кривични пријави против три лица од Куманово, за кои постои сомневање дека сквернавеле гроб на градските гробишта во Куманово.
Триесетгодишниот Д.П. бил приведен вчера откако е осомничен дека на 11-ти октомври заедно со двајца затвореници го ископал и осквернавил гробот на 17-годишната. Девојка која што загина лани во сообраќајна несреќа во скопски Илинден.
-По преземени мерки добиени по сознанија дека на 11 октомври годинава, Д.П. заедно со Р. С. (30) и Б.Н. (32) двајцата од Куманово, кои биле пуштени на викенд од казнено-поправна установа Идризово, извршиле сквернавење на гроб-информираше полицијата.
Затворениците издржувале казна за претходно извршени кражби и тешки кражби. Полицијата нив ќе ги распита во затворот каде се вратиле по завршување на празничниот викенд.
Полицијата не го открива мотивот за морбидното кривично дело.
Како што вчера објави Телма, гробот ископал до длабочина на положување на сандакот и во целосен обем.
Загинатата девојка беше дел од кампањата „Спаси нечиј живот“, а билборд со нејзина фотографија и порака „Возев пијан и дрогиран… ја убив Јелена“ го имаше на повеќе места во родното Куманово, но и во Скопје пред комплексот судови.
Токму во скопскиот кривичен суд почна и се одвива судењето против млад кумановец, кој е е обвинет за предизвикување на сообраќајната несреќа во која загина 17-годишната девојка.
Семејството обвинуваше и тврдеше дека при увидот по сообраќајната несреќа се направени повеќе грешки и сметаа дека нивната ќерка била убиена откако со тешки повреди ја преживеала сообраќајната несреќа. Обвинителството немаше такви докази и поднесе обвинение против возачот.
Исто така овој замрсен случај, имаше и продолжение кога таткото на загинатата девојка беше приведен во кумановската полиција поради сомнеж дека барал платен убиец за ликвидација на човекот кого го смета за одговорен за смртта на девојката. Мајката на загинатата девојка пак имаше пријавено напад и следење од сведок на сообраќајката. Повеќе на темата во написот на Телма.