Министерството за здравство соопшти дека во текот на денот ќе пристигнат 110.612 вакцини од производителот „Фајзер-Бионтек“, кои нашата земја ги купи преку Ковакс механизмот.
До крајот на годината, преку Ковакс механизмот е најавена испорака на уште 100.000 вакцини од производителот „Фајзер-Бионтек“.
-Пристигнатите вакцини, за кои има голем интерес кај населението, а кои се препорачуваат за имунизација и на деца над 12 години, ќе бидат дистрибуирани до вакциналните пунктови ширум земјата со цел да се обезбеди непречен процес на вакцинација. Освен на вакциналните пунктови, вакцинацијата во нашата земја се одвива и теренски, соопштија од здравство.
Прочитајте повеќе: Зибери-Најголемиот дел преставки до Народниот правобранител се однесуваат на работата на извршителите
Од МЗ апелираат за поголема вакцинација на невакцинираните.
-Вакцините се безбедни и ефикасни и претставуваат единствен начин да се победи пандемијата. Само со целосна вакцинација се намалува шансата од заболување, се спречува тешка форма на болеста, хоспитализација и смртен исход, стои во во соопштението на здравство.
До денеска се вакцинирани 776.659-мина граѓани. Со две дози целосно се вакцинирани о 697.847 лица.
Кинески град од 9,5 милиони жители затворен поради три нови случаи на коронавирус